Kabhi Kabhi...

Kabhi kabhi mere dil me khyaal aata hai,
Kyu iss dil ke raaste me...tera mod bar bar aata hai,
Kyu fir ye kadam thamke...uspe fir mujhe pyar aata hai

Wo baatein,mulaqate...sab yaad aata hai
Dil fir ekbar ummid ki sur me... wohi raag gata hai

Usi pal me, wohi dhun me...bechara kho jata hai
Jaane kaun se aise jaadu me...gumshuda hojata hai

Nirasha ke kaale andhere me... aasha ki roshni dhundata hai
Aur sunhari kirano me...fir wohi khwaab bunta hai

Aaj ka waqt bhul ke...kaash me jeene lagta hai
Sapno ki duniya me...apne armaan seene lagta hai

Sapne jo sirf sapne hai...ye baat wo jaanta hai
Par fir bhi un khwaabon me...wo fir khush ho jata hai

Chehre ki uss mayoosi me...muskan nazar aati hai
Dil ke iss kadwe dard me...mithas si lag jaati hai

Hosh kho kar hosh me...rehna sikh jata hai
Aansu ban kar ankho me...behna sikh jaata hai
Bin bole kayi baatein...kehna sikh jata hai
Nasamjh bhi inkaar me...samjhna sikh jata hai

Jane ye dil pyar me...kya karna sikh jata hai!!!